Google ADS

Shqipëri, vetëm 6 të infektuar në 24 orët e fundit

18:29 | 24 Maj 2021
Arbresh.info

Në 24 orët e fundit në Shqipëri janë regjistruar 6 raste të reja me coronavirus dhe një qytetar ka humbur jetën.

Ministria e Shëndetësisë ka bërë të ditur se gjatë kësaj periudhe kohore janë kryer gjithsej 2020 testime, nga të cilat kanë rezultuar pozitivë dy raste në Shkodër, dy në Mat dhe nga një rast në Mirditë dhe Berat.

Në 24 orët e fundit janë shëruar 94 qytetarë, duke e çuar numrin e të shëruarve në 128.826 që nga fillimi i epidemisë.

Aktualisht në spitalet COVID po trajtohen 57 pacientë nga të cilët 7 pacientë janë në terapi intensive.

Me gjithë përpjekjet e stafit mjekësor betejën me COVID-19 nuk e ka fituar një qytetar nga Korça, 66-vjeç.

Shqipëria ka regjistruar gjithsej 132.215 raste me coronavirus, prej tyre 128.826 janë shëruar, 944 janë aktive, ndërsa betejën me infeksionin e kanë humbur 2.445 persona.

Shpërndaje në rrjete sociale

Lajmet më të lexuara

Të ngjashme

Foto lajm