India bëhet shteti i tretë në botë me mbi 300 mijë vdekje nga COVID-19

14:35 | 24 Maj 2021
V. S.

India raportoi 4,454 viktima të reja me COVID-19 të hënën, duke e çuar numrin e vdekjeve të vendit në 303,720, sipas Ministrisë Indiane të Shëndetësisë.

India është vendi i tretë që raporton më shumë se 300,000 vdekje nga virusi, pas Brazilit dhe Shteteve të Bashkuara, sipas të dhënave nga Universiteti Johns Hopkins, raporton Cnn.

Ministria e shëndetësisë raportoi gjithashtu 222,315 infeksione të reja me koronavirus, duke shënuar ditën e katërt radhazi që numri i rasteve të raportuara në vend ka rënë.

Sidoqoftë, numri i vdekjeve të së hënës është numri më i lartë ditor i të vdekurve që nga 19 maj.

India ka raportuar gjithsej 26,752,447 raste të koronavirusit, sipas Ministrisë Indiane të Shëndetësisë të hënën. Të paktën 196,051,962 doza të vaksinave kundër Covid-19 janë administruar që prej 16 janarit.

Në rajonin e kryeqytetit të Delhit, furnizimet e vaksinës Covaxin mund të kenë mbaruar tashmë, shkroi të Dielën Atishi Marlena, një anëtar i vjetër i qeverisë lokale.

Shpërndaje në rrjete sociale

Lajmet më të lexuara

Të ngjashme

Foto lajm