Në Turqi rifilloi të premten gjyqi i radhës kundër organizatorëve të protestave të verës 2013, që presidenti Erdoan ka thënë se kishin për qëllim rrëzimin e qeverisë së tij. Opozita akuzon se drejtësia po përdoret politikisht prej qeverisë.
Sistemi turk i drejtësisë është vënë përpara provës dhe akuzave se është nën kontrollin politik të qeverisë.
Të premten, Gjykata e Stambollit rifilloi procesin kundër filantropit Osman Kavalla dhe 15 të akuzuarve të tjerë për protestat e vitit 2013 kundër planit për zhvillimin e një parku në qytet.
Presidenti aktual, Rexhep Taip Erdoan, atëkohë ishte kryeministër dhe deklaroi se motivi i tyre ishte rrëzimi i qeverisë.
Biznesmeni Kavalla është i burgosur prej tre vitesh e gjysmë ndërsa në shkurt u vendos që ai të gjykohej edhe për veprën e spiunazhit në trazirat e 2016-ës, kur u tentua grushti i shtetit.
Në seancën e së premtes, filantropi turk tha se akuzat për spiunazh ndaj tij e tejkalojnë kuptimin që përcakton ligji madje edhe fjalori, dhe se prokurorët po e akuzojnë si dikur në Gjermaninë naziste, me idenë konspirative se çdo organizatë e shoqërisë civile ekziston me qëllim spiunazhi.
Opozita thotë se mesazhi për ta është i qartë.
“Sot po mbahen dy gjyqe të rëndësishme në Turqi. Të dyja tregojnë se ku ka arritur regjimi. Janë krejtësisht politike, me urdhër qeverie për t’i mbyllur zërin opozitës, shoqërisë civile.”
Biznesmeni Kavalla fitoi lirinë shkurtin e kaluar por Prokuroria e apeloi vendimin.
Gjykata Europiane për të Drejtat e Njeriut dhe SHBA-ja i kanë bërë thirrje Turqisë për lirimin e të akuzuarve.
Ndaj tyre rëndon vepra e organizimit të grushtit të shtetit që dënohet me burgim të përjetshëm.
Real Madrid – Barcelona/ Statistika, analizë, formacionet e ...
Von der Leyen: Duhet ende punë për heqjen e masave ndëshkues...
Muhaxheri flet pas sulmit: Jam shëndosh e mirë
Kurti takohet me presidenten e Komisionit Evropian, Ursula v...
Gjeorgjia mban zgjedhjet parlamentare
Publikohen pamjet e momentit të sulmit të Gazmend Muhaxherit...