Presidenti i Kroacisë, Zoran Milanoviq, deklaroi se ai do të kundërshtojë kushtet e vendosura nga Bullgaria për fillimin e negociatave të Maqedonisë së Veriut me BE-në.
Pas takimit në procesin Brdo-Brioni, Milanoviq vlerësoi se kushtet e vendosura para Maqedonisë për fillimin e negociatave me BE, janë të pamundura, përcjell Telegrafi Maqedoni.
“Bëhet fjalë për kushte të pamundura që janë vendosur për negociata me BE dhe ato i referohen përmbajtjes në librat shkollorë të historisë në RMV. Ajo që një anëtar i BE-së po bën aktualisht me Maqedoninë e Veriut, është se po hyn në një hapësirë intime. Një kandidat kërkohet gjatë negociatave të anëtarësimit të përcaktojë gjenezën e tij ose të saj në librat shkollorë të historisë siç kërkohet nga vendi fqinj. Është hyrje në një hapësirë intime dhe nuk duhet të ndodhë”, tha Milanoviq, duke shtuar se ai do ta kundërshtonte hapur këto kushte të Bullgarisë.
Sipas tij, zgjedhjet presidenciale në Francë, të cilat do të mbahen vitin e ardhshëm, do të prekin të gjitha vendet në rajon që janë në negociata të para-pranimit me BE./Telegrafi/
Drenusha thotë se Driloni ka pëlqim për Bay T
Aksident mes dy veturave në Prizren, lëndohet një person
Familja Myftari: Djali jonë humbi jetën në rrethana tragjike...
“E goditi disa herë me thikë”, policia jep detaje nga vrasja...
Policia shqiptoi mbi 1 mijë e 800 gjoba trafiku për 24 orë
Gjendet pa shenja jete një person në Prishtinë