Virologu gjerman Hendrik Streck pret që situata në lidhje me koronavirusin me siguri do të përkeqësohet në vjeshtë dhe se një valë e katërt është e mundur.
Streck paralajmëron se, megjithë zvogëlimin e numrit të të infektuarve, fitorja ndaj pandemisë nuk mund të deklarohet, transmeton portali arbresh.info
Në një deklaratë për të përjavshmen “Focus”, ai tha se vala e katërt e pandemisë mund të fillojë në vjeshtë dhe se deri atëherë është e nevojshme të përdoret koha për vaksinimet në maksimum.
Ai beson se vera, për sa i përket situatës epidemiologjike, do të shkojë mirë, por ai pret një rritje të re të infeksionit nga shtatori.
Ai tregon se çelësi i zgjidhjes është vaksinimi i një pjese të gjerë të popullatës.
“Ne kemi kaq shumë vaksina sa duhet të shtrohet pyetja nëse do të dhurojmë të paktën një pjesë,” shtoi Streck.
Virologu gjerman gjithashtu ka frikë se njerëzit e vaksinuar mund të infektojnë njerëz të pavaksinuar.
“Ne kemi rastin e mjekut të vaksinuar që u infektua dhe e infektoi familjen. Ky mund te jetë rast individual, por duhet të monitorohet”, tha ai./arbresh.info/
Franca arkëton tre pikë të mëdha nga një udhëtim i vështirë ...
21.1 milionë dollarë për objektet e “Game of Thrones”
Skafi i peshkimit fundoset në Vlorë pas defektit, shpëtojnë ...
Lajm i mirë për Shqipërinë, Ukraina dhe Çekia ndajnë pikët
Një mrekulli natyrore, kështjella e pambukut në Turqi
Do të merrni një qenush dhe nuk keni vendosur ende si ta qua...