Qendra e Lëvizjes Vetëvendosje në Pejë, ka akuzuar kryetarin e kësaj komune Gazmend Muhaxheri për keqpërdorim të parasë publike.
Sipas një komunikate të kësaj partie të martën më 11.05 është planifikuar nënshkrimi i një kontrate në vlerë 67,972.00 euro, nga e cila do të përfitonte vëllai i drejtoreshës Suzana Muriqi.
VV-ja i ka bërë thirre Prokurorisë të hetojë këtë rast.
Postimi i plotë:
Edhe pse Prokuroria ditë më pare ka hapur rast nën pretendimin për keqpërdorim të parasë publike në Komunën e Pejës, Gazmend Muhaxheri po vazhdon avazin e njëjtë të abuzimit me pushtetin dhe paratë e qytetarëve.
Me 27.04.2021 kemi publikuar kontratën e dyshimtë në vlerë 216,089.00 euro për Besnik Muriqin, vëllain e drejtoreshës së kabinetit të tij, Suzana Muriqi.
Derisa rasti është duke u hetuar nga Prokuroria, sot me date 11.05.2021 është planifikuar nënshkrimi i një kontrate të re në vlerë 67,972.00 euro me të njëjtin person, vëllain e drejtoreshës. Në këtë projekt vëllau i drejtoreshës Suzana Muriqi, ka vendosur të bashkëpunoi me babain e inspektorit komunal Edison Maloku ose burrin e asamblistës së LDK-së, Drita Maloku, saktësisht me kompaninë “El-Ing” (pronar i së cilës është Xajë Maloku).
Këto dëshmi të faktuara, konflikti i pastër i interesit, mashtrimi publik i Gazmend Muhaxherit janë provat që duhet t’i shoh secili qytetarë i Komunës së Pejës. Njëkohësisht e inkurajojmë Prokurorinë e Pejës të filloj hetimet edhe për këtë rast të keqpërdorimit të parasë publike.
GAZMEND MUHAXHERI, SKANDALE TË REJA
Edhe pse Prokuroria ditë më pare ka hapur rast nën pretendimin për keqpërdorim të…
Posted by Lëvizja Vetëvendosje – Qendra Pejë on Tuesday, May 11, 2021
Hoxha vizitë zyrtare në Ankara, merr pjesë në panairin e sig...
Një vit nga sulmi, Manastiri i Bajnskës mbyllet nga 23 deri ...
Nis seanca plenare në Kuvend, mbahet një minutë heshtje në n...
Posta e Kosovës paralajmëron qytetarët për mashtrime me SMS:...
Granit Xhaka e Leverkuseni nisin sot aventurën në Champions ...
Putin: Rusia po rrit prodhimin e dronëve