Ka vdekur vrasësi serik në Francë që kishte vrarë së paku tetë vajza

19:02 | 10 Maj 2021
Përparim Bublaku

Një vrasës serik, Michel Fourniret, i cili ka vrarë së paku tetë vajza dhe gra të reja mes viteve 1987 dhe 2001, ka vdekur në moshën 79-vjeçare.

Fourniret vdiq në njësinë e sigurt të një spitali në Paris, tha të hënën prokurori publik.

I quajtur “Ogre i Ardennes”, ai po vuante burgim të përjetshëm për rrëmbime dhe vrasje.

Gruas së Fourniretit, Monique Oliver, gjithashtu iu dha një dënim i përjetshëm për bashkëpunim.

Fourniret ishte i burgosur nga viti 2008 pasi ishte i përfshirë në disa vrasje të vajzave dhe grave. Ai gjithashtu ka rrëfyer edhe disa vrasje tjera, duke përfshirë vrasjen e një studenteje britanike, Joanna Parrish.

Viktimat e tij, shumica të dhunuara, ishin të moshës 12 deri në 30-vjeçare.

Shumica janë vrarë në regjionin e Ardennes në veri të Francës dhe në Belgjikë

Shpërndaje në rrjete sociale

Lajmet më të lexuara

Të ngjashme

Foto lajm