Qeveria e Kosovës, ka marr vendim me të cilin shtetasit e Shqipërisë lirohen nga obligimi për pajisje me Leje Pune Afatshkurtër.
Ministri i Punëve të Brendshme Xhelal Sveçla ka thënë se ky vendim është në frymën e programeve dhe aspiratave të shprehura të subjekteve politike që fituan zgjedhjet dhe krijuan qeverinë legjitime me mbështetjen e shumicës absolute në 14 shkurt.
“Sot Qeveria e Kosovës, me propozimin tim mori vendimin me të cilin shtetasit e Shqipërisë lirohen nga obligimi për pajisje me Leje Pune Afatshkurtër. Ky Vendim është në frymën e programeve dhe aspiratave të shprehura të subjekteve politike që fituan zgjedhjet dhe krijuan qeverinë legjitime me mbështetjen e shumicës absolute në 14 shkurt”, shkruan Sveçla.
Ai tha se ky “Është vetëm një hap, por megjithatë i domosdoshëm, drejt realizimit të interesave të përbashkëta mes Kosovës dhe Shqipërisë, në kuadër të premtimit tonë për realizimin e përshpejtuar të gjithë marrëveshjeve të lidhura nga qeveritë e mëparshme, të cilat nuk ka asnjë arsye të mbesin vetëm në letër”.
“Shqipëria prej kohësh e ka zbatuar këtë marrëveshje, në përfitim të shtetasve të Kosovës që punojnë në Shqipëri, ndërsa është turpërues fakti se Kosova nuk e ka zbatuar marrëveshjen dhe nuk e ka lehtësuar veprimtarinë e shtetasve të Shqipërisë në Kosovë”, shprehet ministri i Brendshëm./arbresh.info/
Horoskopi, parashikimi i yjeve për shenjën tuaj
Gjithçka gati për ceremoninë e Topit të Artë – aty ku i nomi...
Siguria kombëtare, Biden nënshkruan direktivën mbi përdorimi...
Në Shqipëri moti me kthjellime dhe vranesira mesatare
Prishtina sot në ditë zie, mbahet mbledhje Komemorative për ...
Sindikata e Policisë së Kosovës organizon lojëra sportive në...