Policia e Kosovës ka arrestuar një person i dyshuar për vjedhje.

Këtë e ka bërë të ditur zëdhënësja e Policisë së Kosovës për rajonin e Prishtinës, Flora Ahmeti.

Sipas saj, në lagjen Emshir në Prishtinë, hetuesit policor  të stacionit Policor të Fushë Kosovës, të cilët (me rroba  civile) janë të përfshirë në Planin Operetiv për Parandalimin dhe Zbulimin e vjedhjeve, kanë arrestuar një person të dyshuar për për disa raste të  vjedhjeve.

“Bazuar në hetimet e deritanishme,  personi i dyshuar, vjedhjet dyshohet t’i ketë kryer në lokacione dhe periudha të ndryshme kohore. Ndaj personit të dyshuar J.K . 36 vjeçar, shtetas i Republikës së Kosovës”,  në koordinim me prokurorin e shtetit, hetuesit po kryejnë të gjitha veprimet e nevojshme hetimore e procedurale lidhur me disa raste të vjedhjeve ku i arrestuari, dyshohet të jetë i përfshirë”, ka thënë Ahmeti.

Ndërkohë që i dyshuari ( i dënuar me tri vite burg) është dërguar për vuajtje të dënimit, pasi që kërkohej me urdhëresë të gjykatës./arbresh.info/