Nishani: Nëse ikën Berisha, PD do bjerë më shumë

00:32 | 7 Maj 2021
Trina Galanxhi

Ish-presidenti Nishani u shpreh mbrëmjen e sotme se tërheqja e Sali Berishës nga PD do të thoshte vota të humbura për këtë forcë. “A e pranon faktin që Berisha si lider del më lartë se Basha? I bie që nëse detyrojmë Berishën të iki, atëherë PD të bjerë më shumë nga sa ka sot” tha ai në Opinion.

Grupimi “Për PD-në” doli sot në një konferencë për shtyp ku edhe një herë kërkua dorëheqjen e parevokueshme të Lulzim Bashës si kreu i Partisë Demokratike. Sipas tyre dorëheqja e Bashës, është nisja e ri-ngritjes së Partisë Demokratike.

Kujtojmë se grupi në fjalë përbëhet nga figura të larta në PD si Bujar Nishani, Arben Imami, Edith Harxhi, Arben Ristani, Edvin Kulluri, Ibsen Elezi, Endira Bushati, Bislim Ahmetaj dhe Indrit Hoxha./ Abcnews.al

Shpërndaje në rrjete sociale

Lajmet më të lexuara

Të ngjashme

Foto lajm