Moti i ngrohtë dhe klima tropikale mund të ndihmojnë vërtet në zvogëlimin e përhapjes së koronavirusit, sugjeron studimi i ri.

Studimi zbulon se vendet me temperature të ngrohta, të tilla si vendet pranë ekuatorit dhe ato që kanë verë të vërtetë, kanë një normë më të ulët të rasteve me Covid-19 në krahasim me vendet që kanë mot të ftohtë, transmeton portal arbresh.info

Gjetjet u treguan të besueshme edhe pasi studiuesit morën në konsideratë faktorë të tjerë që mund të ndikojnë si në përhapjen e covid-19 dhe numrin e rasteve të raportuara, të tilla si niveli i urbanizimit në vend dhe intensiteti i testimit.

“Rezultatet tonë nuk vijnë në përfundim që sëmundja mund të zhduket gjatë verës, por vetëm se do të ndihmojë në zvogëlimin e përhapjes”, shkruajnë autorët e studimit të botuar në Scientific.

Pas fillimit të pandemisë së Covid-19 në dimrin e vitit 2020, u spekulua se temperaturat e vetës mund të sjellnin lehtësime.

Në të vërtetë, shumë viruse të frymëmarrjes, përfshirë viruset e gripit, tregojnë një model sezonal, kulmin në dimër dhe rënien në verë. Shkencëtarët nuk e dinë me siguri pse viruset ndjekin një model sezonal, por mendohet se një numër faktorësh luajnë një rol, transmeton portali arbresh.info

Për shembull, studimet sugjerojnë që shumë viruse të frymëmarrjes janë më të qëndrueshëm dhe qëndrojnë në ajër më gjatë në mjedise më të ftohta, me lagështirë të ulët, thekson Live Science. Sjellja njerëzore, siç është mbledhja brenda shtëpisë në dimër, gjithashtu mund të inkurajojë transmetimin e virusit.

Studimet laboratorike gjithashtu kanë zbuluar se temperaturat e larta dhe lagështia zvogëlojnë mbijetesën e virusit SARS-CoV-2, por nuk ishte plotësisht e qartë nëse kjo vlen edhe për transmetimin në jetën reale. Në një studim të ri, shkencëtarët analizuan të dhëna nga 117 vende, duke përdorur shifra për përhapjen e covid-19 nga fillimi i pandemisë deri në 9 janar 2021. Metodat statistikore hetuan marrëdhëniet midis gjerësisë, e cila ndikon në sasinë e dritës së diellit, temperaturën, lagështinë dhe normat e përhapjes së Covid-19.

Ata gjithashtu përdorën të dhëna nga Organizata Botërore e Shëndetësisë për të kontrolluar faktorët që mund të ndikojnë në shkallën e infeksionit covid-19 të një vendi, të tilla si udhëtimet ajrore, shpenzimet e kujdesit shëndetësor, raporti i të moshuarve me të rinjtë dhe zhvillimi ekonomik. Ata zbuluan se çdo rritje në gjerësinë gjeografike nga ekuatori për një shkallë shoqërohej me një rritje në numrin e rasteve me Covid-10. Kjo do të thotë që një vend 1000 kilometra më afër ekuatorit në krahasim me një tjetër mund të presë 33 përqind më pak raste me koronavirus.

“Rezultatet tona janë në përputhje me hipotezën që nxehtësia dhe rrezet e diellit zvogëlojnë përhapjen e virusit SARS-CoV-2 dhe përhapjen e covida-19”, thanë autorët e studimit nga Instituti Heidelberg i Shëndetit Global në Gjermani dhe Akademia Kineze e Shkencave Mjekësore në Pekin./arbresh.info/