Moratti e këshillon Interin ta transferojë Kanten

19:03 | 3 Maj 2021
A. B.

Ish-presidenti i Interit, Massimo Moratti, i ka këshilluar Nerazzurrët që ta transferojnë mesfushorin e Chelseat, N’Golo Kante.

Zikaltrit i dhanë fund hegjemonisë së Juventusit duke u shpallur kampionë të Italisë për herë të parë pas 11 vitesh.

Dhe pas suksesit të arritur, natyrisht se nevojiten përforcime për ta mbajtur tempin dhe nivelin e lartë.

I pyetur se kë duhet ta transferojë Interi për të vërë një hap përpara në Evropë, Moratti ka dhënë një emër.

“Mendoj se Kante i ka të gjitha cilësitë për t’i dhënë më tepër forcë Interit. E transferuam Wesley Sneijderin edhe pse kishim një skuadër solide, por u bëmë të jashtëzakonshëm me të”.

“E njëjta vlen edhe për Kanten, mirëpo po e them si tifoz, transferimi i tij është i vështirë”, ka theksuar ish-presidenti i Interit për Sky Sport Italia. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm