Barcelona ka fituar 3-2 në udhëtim te Valencia në kuadër të javës së 34-të në La Liga.

Edhe pse 45 minutat e parë kishin mjaftë raste, asnjëra nga skuadrat nuk arriti t’i konkretizonte ato.

Në pjesën e dytë, ishte një spektakël i vërtetë, pasi u shënuan plotë pesë sosh.

Të parët që kaluan në epërsi ishin vendasit, pasi në minutën e 50-të shënuan me anë të Gabriel Paulistas që u asistua nga Christian Soler.

Shtatë minuta më vonë, Barcelona i barazoi shifrat në 1-1 me anë të Lionel Messit që fillimisht gaboi nga penalltia, derisa përfitoi nga një rrëmujë e krijuar në zonë për ta tundur rrjetën.

Në listën e realizatorëve u fut edhe Antoine Griezmann që arriti të shënonte për 2-1 në minutën e 63-të.

Argjentinasi u rikthye edhe një herë në listë, por tani me mjaftë magji, pasi shënoi nga gjuajtja e lirë Jasper Cillessen (69′).

Valencia arriti që të ngushtonte epërsinë e katalunasve në minutën e 83-të me golin e Soler, por kjo nuk e ndaloi skuadrën mysafire t’i merrte tre pikë.

Pas javës së 34-të, Barcelona vahdon të jetë në garë me 74 pikë në vendin e tretë, aq sa ka edhe Real Madridi në të dytin, derisa Atletico Madridi si lider ka dy më shumë. /Telegrafi/