Ekipi i Kosovës në hendboll e ka mbyllur të dielën fazën e dytë kualifikuese për “Euro 2022”. Në Alingsas të Suedisë, Përfaqësuesja jonë është përballur me nënkampionen në fuqi të botës, Suedinë.
Suedia me lojë të shpejtë dhe të fortë në mbrojtje ka arritur te fitorja e lartë, 39-16, thuhet në njoftimin e FHK-së.
Vendasit herët filluan shkëputjen në rezultat dhe epërsia e tyre sa shkonte e rritej. Djemtë tanë përkundër përpjekjeve maksimale kanë pasur telashe për të thyer mbrojtjen e fuqishme të Suedisë dhe për të ndalur sulmet e shpejta të suedezëve.
Valon Dedaj e Luigj Quni ishin më efikasit te Kosova me nga katër gola. Te Suedia më efikasi ishte Niclas Ekberg me 9 gola.
Humbja në Suedi megjithatë nuk zbeh një kampanjë të suksesshme të skuadrës sonë. Fitorja historike me Rumaninë dhe barazimi në Prishtinë me atë ekip, janë hap i rëndësishëm për Kosovën.
Ndërkohë, kemi zhvilluar edhe dy ndeshje të forta me Malin e Zi.
Irani prezanton raketë dhe dron të ri mes tensioneve në rrit...
Drita konfirmon lëndimet e rënda të dy lojtarëve, humbin gat...
“Nuk ka gjë më të vështirë sesa të jetosh si refugjat në qyt...
Kosova aderon në Konventën e Stambollit në Organizatën Botër...
Zelensky: SHBA-ja dhe Britania s’lejojnë përdorimin e raketa...
Osmani ndan tjera fotografi nga pritja në West Point: Falemi...