Google ADS

Gjykata Speciale tregon detaje rreth vizitës së Kadri Veselit në Kosovë

18:39 | 2 Maj 2021
M. A.

Ish-kryeparlamentari dhe ish- luftëtari i UÇK-së, Kadri Veseli, ndodhet për vizitë në Kosovë për shkak të gjendjes jo të mirë shëndetësore të babait të tij.

Veseli është lejuar nga Dhomat e Specializuara të zhvillojë vizitën nën monitorimin e EULEX-it dhe Policisë së Kosovës.

Informacionin për vizitën e Veselit e ka konfirmuar për arbresh.info, zëdhënësja e Dhomave të Specializuara, Angela Griep.

Zëdhënësja e Speciales tha se për shkak të arsyeve bindëse humanitare, gjyqtari i procedurës paraprake ka udhëzuar Zyrën e Regjistrimit që të menaxhojë vizitën e Veselit në Kosovë.

“Për shkak të arsyeve bindëse humanitare, gjyqtari i procedurës paraprake ka udhëzuar Zyrën e Regjistrimit që të menaxhojë një vizitë kujdestarie në Kosovë për të takuar familjen e ngushtë”. I akuzuari mbetet në paraburgim të Dhomave të Specializuara. EULEX dhe Policia e Kosovës po mbështesin Dhomat e Specializuara të Kosovës”, thuhet në përgjigjen e Speciales për portalin arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm