Zyrtarëve në New Delhi iu është kërkuar të gjejnë më shumë vende për djegien e trupave, pasi morgjet dhe krematoriumet e qytetit janë të mbingarkuara nga numri masiv i viktimave si pasojë e COVID-19.
Sipas BBC, përcjell Telegrafi, një valë e dytë e coronavirusit po shkakton dëme të rënda në pjesë të Indisë, derisa 386 mijë raste të reja u raportuan të premten; kjo vlerësohet të jetë shifra më e lartë një-ditore e regjistruar ndonjëherë në botë.
India gjithashtu raportoi 3,500 viktima në të gjithë vendin dhe gati 400 sosh në Delhi – një rekord për kryeqytetin.
Numri i përgjithshëm i rasteve si pasojë e COVID-19 në Indi u rrit në mbi 18 milionë.
Dërgesa e parë e furnizimeve të urgjencës mjekësore nga SHBA-ja arrit të premten, pjesë e asaj që Shtëpia e Bardhë ka potencuar se do të jenë më shumë se 100 milionë dollarë të ndihmesave.
Sidoqoftë, furnizimet me oksigjen dhe shtretërit spitalorë ende janë në mungesë. /Telegrafi/
Grafitet fyese kundër Fadil Gecit, policia duke e hetuar ras...
Aria largohet përfundimisht nga Big Brother VIP Kosova 3
Arrestohet shtetasi algjerian në Prishtinë, për dy raste të ...
Superliga e Kosovës vjen me dy përballje interesante sot
Izraeli goditi edhe Sirinë, shpërthime në Damask dhe Homs- p...
Vizita e Ursula von der Leyen në Kosovë, policia njofton se ...