Më në fund, Kurti uron Edi Ramën për fitore

20:45 | 28 Prill 2021
L G

Kryeministri i Republikës së Kosovës, Albin Kurti, ka përgëzuar kryeministrin e Shqipërisë, Edi Rama për fitoren në zgjedhjet e 25 prillit që u mbajtën në Shqipëri.

Kurti, përmes një postimi në Facebook, ka uruar që të punohet së bashku në mënyrë që afrohen standardet evropiane sa i përket demokracisë dhe të punohet drejt zhvillimit ekonomik.

“Sipas rezultateve paraprake të shpallura nga KQZ në Republikën e Shqipërisë, Partia Socialiste dhe kryeministri Edi Rama ka fituar zgjedhjet parlamentare. Kosova nuk mundet pa Shqipërinë e Shqipëria nuk mundet pa Kosovën, prandaj e përgëzoj kryeministrin e Shqipërisë Edi Ramën për rezultatet, dhe uroj që së bashku, si shqiptarë, të shtojmë bashkëveprimin mes nesh në të gjithë sektorët, si dhe t’i afrojmë standardet evropiane sa i përket demokracisë, zhvillimit ekonomik, drejtësisë e mirëqenies”, ka shkruar Kurti në urimin e tij drejtuar Ramës. /arbresh.info/

Më poshtë gjeni shkrimin e plotë:

 

Shpërndaje në rrjete sociale

Lajmet më të lexuara

Të ngjashme

Foto lajm