Ilir Meta do të rikthehet në Lëvizjen Socialiste për Integrim, por më 24 korrik 2022, pikërisht ditën kur zyrtarisht i mbaron dhe mandati për president.
Lajmin e ka konfirmuar zëdhënësi i presidentit Tedi Blushi përmes një shkrimi në Facebook.
“Presidenti i Republikës, Ilir Meta falënderon kryetaren e LSI-së, znj. Monika Kryemadhi për reflektimin e saj lidhur me lënien e mandateve dhe bojkotin e zgjedhjeve vendore, që e mbifuqizuan pushtetin e kryeministrit dhe i lehtësuan bërjen e shumë ligjeve korruptive me porosi dhe në interes vetëm të oligarkëve dhe blerjes së zgjedhjeve. Presidenti Meta shpreh keqardhjen për tjetërsimin masiv të votave, por kjo ishte e pritshme, për më tepër, që nuk u morën masat e duhura për parandalimin e këtij krimi të rëndë zgjedhor”, shkruan Blushi.
Presidenti i Republikës, Sh.T.Z Ilir Meta falenderon Kryetaren e LSI, znj.Monika Kryemadhi për reflektimin e saj lidhur…
Posted by Tedi Blushi on Wednesday, 28 April 2021
Ai thotë se Meta më 24 korrik 2022 do të rikthehet për të marrë kartën e anëtarësisë së LSI-së.
“Presidenti Meta në respekt të sakrificave për demokracinë, që ka bërë LSI, i njofton të gjithë anëtarët dhe simpatizantët e saj se më 24 korrik 2022 do të rikthehet për të marrë kartën e anëtarësisë së LSI dhe do t’u bashkohet përpjekjeve të të rinjve dhe të rejave për Shqipërinë e Shqiptarëve”, tha ai.
Zyrtarisht presidentit Ilir Meta i mbaron mandati më 24 korrik 2022.
Omega 3 cilat janë format më të përhapura dhe më të sigurta
Humb jetën një 36-vjeçar në Shkodër
Elita 5 dhe Aurela Gaçe shtojnë ngjyrat e spektaklit në Fest...
Vriten pesë ushtarë izraelitë gjatë luftimeve në Liban
E pamundur për Real Madridin ta mbajë Gulerin: Dy gjigantët ...
Deputetja e LDK-së: Takimi trepalësh për dialogun Kosovë-Ser...