Hoxhaj uron Thaçin për ditëlindje: Krenar për atë që ti përfaqëson

13:09 | 24 Prill 2021
Arditë Shkodra

Kryetari i Partisë Demokratike të Kosovës (PDK) Enver Hoxhaj, e ka uruar ish-presidentin e Kosovës Hashim Thaçi në ditëlindjen e tij të 53-të.

Këtë Hoxhaj e ka bërë përmes një postimi në rrjetin social Facebook, transmeton arbresh.info

“Një mik si asnjë tjetër dhe një lider i pakrahasueshëm që ndryshoi kursin e historisë së Kosovës duke u mishëruar përgjithmonë me të”, ka shkruar Hoxhaj.

Postimi i tij i plotë:

Urime, president!

Me 24 prill, 53 vite më parë, në Burojë të Drenicës u lind Hashim Thaçi. Një mik si asnjë tjetër dhe…

Posted by Enver Hoxhaj on Saturday, April 24, 2021

Urime, president!
Me 24 prill, 53 vite më parë, në Burojë të Drenicës u lind Hashim Thaçi. Një mik si asnjë tjetër dhe një lider i pakrahasueshëm që ndryshoi kursin e historisë së Kosovës duke u mishëruar përgjithmonë me të. Udhëheqja e luftës çlirimtare dhe shpallja e pavarësisë së Kosovës do të jenë përjetësisht të lidhura ngusht e të pandashme nga emri i tij. Në ditëlindjen e tij të 53-të, me zemrat e lënduara që nuk e kemi pranë nesh, por, padyshim krenar për atë që ai përfaqëson, i dërgojmë urimet më të ngrohta themeluesit të shtetit tonë. Qoftë kjo ditëlindja e parë dhe e fundit që nuk e festojmë së bashku, president. Kosova të pret. Ne të presim!

 

Shpërndaje në rrjete sociale

Lajmet më të lexuara

Të ngjashme

Foto lajm