Brazili u ka kërkuar grave që të shtyejnë mbetjen shtatzënë deri kur të kalojë pandemia, duke shtuar se infeksioni është duke i prekur në masë edhe gratë shtatzëna.

Rekomandimi vjen ndërsa Brazili vazhdon të jetë një nga epiqendrat globale të pandemisë, me më shumë brazilianë që vdesin nga virusi çdo ditë sesa kudo tjetër në botë, transmeton portal arbresh.info

Spitalet janë stërmbushur dhe laçeve të nevojshme për intubimin e pacientëve të sëmurë rëndë po mbarojnë në mënyrë të rrezikshme.

Brazili i është drejtuar për ndihmë partnerëve ndërkombëtare për ndihmë.

“Nëse është e mundur, shtyni shtatzëninë pak deri në një moment më të mirë,” tha zyrtari i Ministrisë së Shëndetësisë Raphael Parente gjatë një konference shtypi të premten.

Ai tha se rekomandimi ishte pjesërisht për shkak të stresit në sistemin shëndetësor, por edhe për shkak të variantit brazilian më lehtë të transmetueshëm i njohur si P.1.

Më parë, rastet e COVID-19 gjatë shtatzënisë ishin përqendruar në tremujorin e fundit dhe pas lindjes, ndërsa në kohët e fundit ka pasur raste serioze me infeksion edhe në tremujorin e dytë dhe të parë.

Varianti P.1, i zbuluar për herë të parë në qytetin Amazon të Manaus, është bërë shpejt dominues në Brazil. Mendohet të jetë një faktor kryesor pas një vale masive të dytë të infeksioneve që ka sjellë numrin më të madh të vdekjeve, të dytin pas SHBA-ve.

Përhapja e infeksionit është duke prekur gjithnjë e më shumë të rinjtë, me të dhënat e spitalit që tregojnë se gjatë muajit mars gjysma e pacientëve në kujdesin intesiv ishin të moshës 40 vjeç ose më të rinj, transmeton portal arbresh.info

Presidenti Jair Bolsonaro ka kundërshtuar bllokimet dhe ka mbajtur ngjarje të mëdha në të cilat ai personalisht nuk ka mbajtur maskë dhe nuk ka respektuar distancën sociale.

Ai vetëm kohët e fundit ka përqafuar idenë se vaksinat janë si një zgjidhje e mundshme, por shpërndarja e inokulimit është rrënuar nga vonesat dhe synimet e humbura për t’i bërë njerëzit të inokuluar.

Këtë javë, vaksinimet u ndaluan në disa qytete për shkak të mungesës së furnizimit me vaksina, sipas mediave lokale.

Rio de Janeiro dhe Sao Paulo kanë dhënë alarmin për mungesën e medikamenteve, ndërsa kanë theksuar se spitalet janë në prag të kolapsit.

Pavarësisht nga mungesa e ilaçeve dhe 85 përqind e shtretërve të kujdesit intensiv të zënë, Sao Paulo njoftoi të premten se do të fillojë rihapjen e dyqaneve dhe restoranteve, duke thënë se numri i shtrimeve të reja në spital kishte rënë sa duhet për ta bërë atë në mënyrë të sigurt./arbresh.info/