Një dietë e ekuilibruar në ditët e sotme do të thotë që kur rrethoheni nga e keqja, duhet të maksimizoni të mirën nëse doni të përmirësoni shëndetin tuaj dhe të humbni peshë.

Ndoshta tashmë keni disa nga ushqimet më të mira për shëndetin në kuzhinën tuaj.

Vaj kokosi

Një studim nga American Journal of Clinical Nutrition zbuloi se subjektet që hëngrën vaj kokosi humbën peshën totale dhe dhjamin në bark më shpejt sesa një grup që konsumoi të njëjtën sasi vaj ulliri. Sekreti është në zinxhirët e mesëm të kokosit të triglicerideve. Ndryshe nga acidet yndyrore në shumicën e vajrave, vaji i kokosit zbërthehet menjëherë për t’u përdorur në ruajtje dhe është zbuluar se shpejton metabolizmin, shkruan Eat This.

Farat

Një nga karakteristikat e një diete të ekuilibruar është një raport i mirë i acideve yndyrore omega-6 dhe omega-3. Një raport 4 ndaj 1 do të ishte ideal, por në ushqimi modern amerikan ky raport është më shumë se 20 ndaj 1. Kjo çon në inflamacion, i cili mund të inkurajojë shtimin e peshës. Farat ‘Chia’ dhe liri janë ndër burimet e mëdha të omega-3.

Studimet mbi kafshët sugjerojnë se një dietë e pasur me ‘chia’ mund të ulë kolesterolin e dëmshëm (LDL kolesterolin) dhe të mbrojë zemrën, kurse një studim i fundit i publikuar në revistën Hypertension zbuloi se konsumi ditor i produkteve të furrës së pasuruar me fara liri, ul presionin e gjakut te pacientët me sëmundje të arterieve periferike. Absorbohet më mirë kur liri bluhet dhe shtohet në drithëra, ‘smoothie’ dhe pasta.

Vezët

Vezët janë burimi më i mirë i vitaminës B kolin, një lëndë ushqyese thelbësore që përdoret në ndërtimin e të gjitha membranave qelizore të trupit. Mungesa e kolinës lidhet drejtpërdrejt me gjenet që shkaktojnë akumulimin e dhjamit në bark. Vezët mund ta zgjidhin problemin.

Mollë

Një studim i fundit në Qendrën Mjekësore ‘Wape Forest Baptist’ ka treguar se për çdo 10 gram rritje të fibrave të tretshme të konsumuara çdo ditë, dhjami visceral (domethënë yndyra e rrezikshme e barkut) ulej me 3.7 për qind në një periudhë pesëvjeçare.

Pjesëmarrësit, të cilët bashkuan zakonin e tyre për të konsumuar mollë çdo ditë me 30 minuta ushtrim 2-4 herë në javë, regjistruan një rënie prej 7.4 për qind të akumulimit të dhjamit të organeve të brendshme për të njëjtën periudhë kohore.