Vazhdojnë “ngarkim-shkarkimet” në Ministrinë e Drejtësisë

12:55 | 8 Prill 2021
L G

Ministrja e Drejtësisë, Albulena Haxhiu ka vazhduar edhe sot me shkarkimin e zyrtarëve në dikasterin të cilin ajo udhëheq.

Haxhiu ka marrë vendim që të shkarkohet zëvendësdrejtori i Shërbimit Sprovues, Kadri Halitaj dhe në këtë pozitë ka emëruar Metije Ademin, shkruan arbresh.info.

Lajmin për arbresh.info e ka konfirmuar këshilltari i Haxhiut, Genc Nimoni.

“Zonja Metije Ademi, drejtore e Drejtoratit për lirim me kusht dhe programe në Shërbimin sprovues caktohet zëvendësuese e Drejtorit të përgjithshëm të Shërbimit sprovues në kuadër të Ministrisë së Drejtësisë”, ka thënë Nimoni.

Që nga marrja e detyrës së ministres së Drejtësisë, Haxhiu ka shkarkuar tre zyrtarë nga Divizioni për Mbrojtje Juridike në Gjykatën Speciale./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm