Gjermania është duke luftuar me valën e tretë të pandemisë, por jeta pothuajse po rrjedh normalisht në Tuebingen, ku çdokush me një test negativ mund të shijojë blerjet, ngjarjet kulturore ose restorantet në natyrë.

Ndërsa vendi po debaton nëse duhen masa më të ashpra për të ngadalësuar përhapjen e infeksionit, qyteti universitar historik afër Stuttgart ka marrë një qasje tjetër duke hapur qendra falas të testimit të koronavirusit që lëshojnë pasazhe ditore tek ata me rezultate negative, transmeton portal arbresh.info

Rregullat e zakonshme në lidhje me mbajtjen e maskave dhe respektimin e distancës fizike ende zbatohen, por testimi negative është “mënyra e vetme” për të hyrë në dyqane.

Pjesa tjetër e vendit po ndjek nga afër modelin e Tuebingen dhe po planifikon eksperimente të ngjashme nëpër qytete.

Qyteti qendror i Ëeimar tashmë ka hapur dyqane dhe muze për ata që vijnë me një provë negative.

Provinca e vogël e Saarland ka shkuar më tej dhe dëshiron të heqë karantinën në 6 prill, duke përdorur një kombinim të testeve të shpejta të antigjenit dhe masave të higjienës për të hapur kinema, palestra dhe restorante në natyrë.

Megjithatë, shkencëtarët kanë paralajmëruar se variante të reja, më ngjitëse të koronavirusi po kërcënojnë të shpërthejnë gjatë javëve të ardhshme.

Ndër kritikët më të zëshëm është kancelarja Angela Merkel, e cila në një intervistë televizive u ka bërë thirrje liderëve rajonalë që të respektojnë kufizimet për të cilat është rënë dakord.

Gjermania është duke e kaluar valën e tretë të pandemisë, e cila ka përfshirë edhe disa vende tjera të Europës./arbresh.info/