Deputetja e LDK-së do ta votojë Osmanin presidente, fton bashkëpartiakët ta bëjnë të njëjtën gjë

19:51 | 23 Mars 2021
A. B.

Deputetja e LDK-së, Valentina Bunjaku-Rexhepi, ka thënë se do ta votojë Vjosa Osmanin për presidente.

Në një bisedë telefonike në televizionin “Kanal 10”, ajo ka thënë se të gjithë deputetët e LDK-së duhet të qëndrojnë në sallë, e madje edhe ta votojnë atë.

“LDK-ja e ka kryetarin e ri tani, organet e reja, dhe ne si deputetë bashkërisht do të marrim vendimin [për çështjen e votimit të presidentit]. Po pritet një takim mes Abdixhikut dhe Osmanit, dhe ne do ta japim qëndrimin tonë karshi zgjedhjes së presidentes së Kosovës. Unë personalisht mendoj se ne duhet të qëndrojmë në sallë dhe të votojmë pro zonjës Osmani sepse qytetarët mendoj që ia dhanë mundësinë që ajo të jetë presidente e Kosovës. Personalisht e kam pasur këtë qëndrim dhe vazhdoj ta mbajë të njëjtin”, u shpreh deputetja e LDK-së.

Shpërndaje në rrjete sociale

Lajmet më të lexuara

Të ngjashme

Foto lajm