Mbretëria e Bashkuar blindon kufijtë mes frikës së një vale të tretë të koronavirusit. Ndalimi i muajve të fundit për britanikët, për të udhëtuar jashtë vendit, me përjashtim të rasteve të domosdoshme, është shndërruar në ligj.
Norma parashikon një gjobë prej 5 mijë paundësh për këdo që tenton të largohet nga territori britanik drejt një destinacioni të huaj pa një “arsye të justifikuar mirë”.
Mediat e Mbretërisë së Bashkuar raportojnë se pushimet jashtë vendit do të jenë të ndaluara deri në fund të qershorit.
Kjo është një ndër masat që qeveria e Boris Johnson po ndërmerr për të ruajtur ecurinë e mirë në kontrollin e pandemisë, gjë e cila po ndihmohet edhe nga fushata më e shpejtë e vaksinimit në Evropë.
Këto zhvillime vijnë teksa Britania përkujton përvjetorin e izolimit të parë kombëtar të vendosur pikërisht më 23 mars të 2020-s.
Qytetarët u ftuan të mbanin një minutë heshtje në mesditë për të nderuar ata që humbën jetën nga Covid-19.
Britania ka bilancin më të rëndë në pandeminë koronavirus në Evropë dhe raporton një total prej 4.3 milionë të infektuarish dhe 126 mijë jetë të humbura.
Kopshti i parë me Al do t’iu lejojë të flisni me bimë
Kripë, ujë dhe limon për ta ndalur migrenën
Rama pritet edhe me protestë nga diaspora në Nju Jork
Ndërron fustanin dhe flokët, Dafina magjeps me një dukje për...
Kryetari i LVV-së në Pejë dënon sulmin ndaj Muhaxherit
Barcelona “shkatërron” Real Madridin në “Santiago Bernabeu”