Vendet e pasura, janë duke bllokuar propozimet për të ndihmuar vendet në zhvillim që të rrisin aftësitë e tyre të prodhimit të vaksinave.

Disa nga vendet e varfëra kanë kërkuar nga OBSH që t’i ndihmojë ata, shkruan BBC, transmeton portali arbresh.info

Por, vendet më të pasura po shtyejnë prapa në dispozitat në të drejtën ndërkombëtare që do t’u mundësojnë atyre ta arrijnë këtë.

Mes kombeve që më të pasura janë edhe Britania e Madhe, Shtetet e Bashkuara dhe Bashkimi Europian.

“Nëse do të mund të arrihej një marrëveshje me vendet që të prodhonin më lehtë vaksina he më shumë ilaçe brenda vendit të tyre, do të përfshinte iniciativa që do të financonin dhe lehtësonin atë”, tha Diarmaid McDonald, nga Just Treat, një grup pacientësh për qasje të drejtë në ilaçe.

Një zëdhënës i qeverisë së Mbretërisë së Bashkuar thotë se “një pandemi globale kërkon një zgjidhje globale dhe Britania e Madhe po udhëheq nga fronti, duke çuar përpara përpjekjet për të siguruar qasje të barabartë në të gjithë botën për vaksinat dhe trajtimet Covid.

Zëdhënësi thotë se Mbretëria e Bashkuar është një nga donatorët më të mëdhenj të përpjekjeve ndërkombëtare për të siguruar mbi një miliard doza të vaksinave të koronavirusit në vendet në zhvillim këtë vit.

Shumë ekspertë thonë se aksesi i barabartë në vaksinat është thelbësor për të parandaluar rastet dhe vdekjet dhe për të kontribuar në imunitetin e popullsisë globale.

Por kapaciteti global për prodhimin e vaksinave është rreth një e treta e asaj që nevojitet, thotë Ellen t’Hoen, një ekspert në politikën e ilaçeve dhe ligjin e pronës intelektuale.

“Këto janë vaksina që prodhohen në vendet e pasura dhe në përgjithësi mbahen nga ato vende të pasura. Kombet në zhvillim po thonë se edhe ata duhet të kenë pjesën e tyre të ‘tortës’, që do të thotë pjesën e prodhimit dhe jo vetëm pjesën e vaksinës”, shton ajo.

Për të bërë një vaksinë jo vetëm që keni të drejtë të prodhoni substancën aktuale nga e cila përbëhen (e cila mbrohet nga patentat), ju gjithashtu duhet të keni njohuri se si t’i bëni ato sepse teknologjia mund të jetë komplekse.

OBSH nuk ka autoritet të jap dritën jeshile për prodhim të vaksinave, por po përpiqet të bashkojë vendet së bashku për të gjetur një mënyrë për të forcuar furnizimet e vaksinave, transmeton portali arbresh.info

Në anën tjetër, kompanitë e ilaçeve tregojnë se ata gjithashtu kanë dhuruar financiarisht dhe kanë dhënë ilaçe për të ndihmuar në trajtimin e pandemisë.

“Është shumë e qartë se ka plane që të rritet çmimi i këtyre vaksinave sapo të përfundojë faza më urgjente e pandemisë. Pra, kjo është një arsye tjetër pse vendet në zhvillim po thonë se ne duhet të fitojmë aftësinë për t’i prodhuar këto vaksina vetë”, thotë eksperja t’Hoen./arbresh.info/