PDK-ja përfundon mbledhjen pesë orëshe, nuk e mbështet Vjosa Osmanin për presidente

22:07 | 17 Mars 2021
L G

Ushtruesi i detyrës së kryetarit të Partisë Demokratike të Kosovës, Enver Hoxhaj, është deklaruar pas takimit të Këshillit Drejtues.

Ai tha se në këtë mbledhje është duke u analizuar rezultati i zgjedhjeve të 14 shkurtit.

“Njëri prej vendimeve të rëndësishme është që Këshilli Drejtues i PDK-së në mënyrë unanime nuk e mbështet kandidaturën e zonjës Osmani për të qenë presidente”, tha Hoxhaj.

I pari në detyrë i Partisë Demokratike të Kosovës theksoi se sa i përket çështjes së votimit të Vjosa Osmanit për presidente e pret vendimin e Këshillit Drejtues.

“Në dokumentet dhe rregulloret tona si parti politike është pikërisht e Këshillit Drejtues që të marrë vendime për koalicione parazgjedhore dhe paszgjedhore. Ky nuk është koalicion parazgjedhor, por është situatë konkrete. Ajo çka kam bërë prej 5 nëntorit që e kam marr këtë detyrë është që vendimmarrjen e kam sjell në kryesi e në organet e partisë, por deri më tani nuk kemi asgjë konkrete”.

Shpërndaje në rrjete sociale

Lajmet më të lexuara

Të ngjashme

Foto lajm