Kryeministri Edi Rama mbrëmjen e sotme ka bërë një reagim në rrjetet sociale ku ka shpërndarë edhe disa pamje gjatë vaksinimeve të mësuesve të kryera gjatë ditës.

Rama shkruan se ai vete si dhe qeveria po bën çmos, për të intensifikuar vaksinimin. Rama ka hedhur akuza ndaj opozitë, duke thënë se po vendos interesin partiak dhe fushatën elektorale mbi detyrën për mbrojtjen e shëndetit të njerëzve.

Postimi i plotë:

Lufta për t’u çliruar nga pandemia është sfida e sfidave, që duhet të na bashkojë të gjithëve, duke bërë secili detyrën e vet për të mbrojtur të tjerët, me forcën e shembullit e me gjithçka ka në dorë!

Unë dhe shumica qeverisëse po bëjmë çmos, për të intensifikuar vaksinimin, por pa harruar respektimin e rregullave, por fatkeqësisht opozita po vendos interesin partiak, fushatën elektorale, mbi detyrën për mbrojtjen e shëndetit të njerëzve…

Ne do të vazhdojmë, pa u lodhur, të luftojmë me gjithsej për ta nxjerrë popullin nga tuneli i pandemisë, duke vaksinuar, vaksinuar, vaksinuar dhe për ta lehtësuar sezonin e ardhshëm turistik, bashkë me ekonominë e me jetën komunitare. Dhe do t’ia dalim, medoemos.