QNR: Rinumërimi i 141 vendvotimeve përmbyllet gjatë ditës

10:40 | 10 Mars 2021
S D

Zëdhënësi i Komisionit Qendror të Zgjedhjeve, Valmir Elezi për Arbresh.info ka konfirmuar se është në përfundim rinumërimi i gjithsej 142 vendvotimeve, 134 sipas vendimit të PZAP-së, dhe 7 sipas KQZ-së.

“Rinumërimi i 134 vendvotimeve sipas vendimit të PZAP-it dhe 7 të tjerave sipas vendimit të KQZ-së, përmbyllet gjatë ditës, pasi kanë mbetur edhe një numër i vogël që janë në proces”, ka thënë Elezi.

Tutje Elezi tha se janë në pritje të vendimmarrjes së Gjykatës Supreme lidhur me ankesat e paraqitura.

“Tashmë jemi në pritje të vendimmarrjes së Gjykatës Supreme lidhur me ankesat që janë paraqitur në këtë institucion. KQZ-ja do të veprojë në përputhje me vendimet që dalin, në mënyrë që të procedojmë për certifikimin e rezultateve përfundimtare”, përfundoi Elezi.

Shpërndaje në rrjete sociale

Lajmet më të lexuara

Të ngjashme

Foto lajm