Lojtarët e Barcelonës e dinë se do ta kenë mjaftë të vështirë përmbysjen e rezultatit kundër PSG-së, por asgjë s’është e pamundur.
Këtë e ka bërë të qartë mesfushori Frenkie de Jong, që tha se objektivi i skuadrës është kualifikimi në fazën tjetër.
Holandezi zbuloi se skuadra beson se do e përmbysin shifrat edhe pse do jetë e vështirë.
“Shkojmë në Paris për të garuar. Ne besojmë se është e mundur. Duhet të besojmë në shanset tona dhe të tregojmë çfarë mund të bëjmë. Pas kësaj, do shohim çfarë ndodh”.
“Nuk e di nëse 1 – 4 ishte rezultat i drejtë, por është e qartë se nuk luajtëm mirë”, tha ai.
Tutje, i pyetur për mungesën e Neymarit, De Jong tha se është mirë për Barcelonën që braziliani mungon.
“Për mua Neymar është ndër lojtarët më të mirë në botë dhe kur nuk është i lirë, është më e lehtë. Nuk e di si ta them. Nëse nuk është aty, për skuadrën e PSG-së, është më lehtë”, vazhdoi ai.
Së fundmi, De Jong tha se është i lumtur me emërimin e Joan Laporta si president dhe zbuloi se ky i fundit i ka uruar suksese skuadrës.
“Jemi të lumtur që është president, kjo është e rëndësishme për klubin. Nuk e njoh personalisht, nuk kam biseduar me të, por jam i sigurt se do flas në të ardhmen dhe jemi shumë të lumtur që kemi president sërish”.
“Laporta na uroj fat, do shkojmë aty për të garuar dhe kjo është e gjitha”, përfundoi holandezi.
Mbetet të shihet nëse blaugranasit do arrijnë të bëjnë ‘mrekullinë’ e përmbysjes për t’u kualifikuar në fazën tjetër./Lajmi.net/
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...