Arabia Saudite ka reaguar duke mohuar raportin se Princi saudit, Mohammed bin Salman miratoi vrasjen e gazetarit Jamal Kashogi.
Mohimi u botua nga agjencia e lajmeve e qeverisë së Arabisë Saudite, raportoi faqja e internetit The Hill, transmeton portali arbresh.info
“Mbretëria mohon kategorikisht atë që është shkruar në raportin që u paraqit në Kongres dhe ka të bëjë me vrasjen e shtetasit Jamal Kashogi”, thuhet në reagimin e postuar në Twitter.
Më parë, shërbimi i inteligjencës amerikane publikoi një raport në katër faqe, ku thuhet se Princi Mohammed bin Salman miratoi operacionin “kapja ose vrasja” Kashogi në Turqi.
“Princi e pa Kashogin si një kërcënim për mbretërinë dhe prandaj mbështeti, nëse ishte e nevojshme, masa të dhunshme vetëm për ta heshtur atë”, lexon deklarata.
Raporti gjithashtu thekson emrat e 21 personave të afërt me princin, të cilët ishin të përfshirë në vrasjen që ndodhi në tetor të vitit 2018 në konsullatën Saudite në Stamboll.
Kashogi u pa për herë të fundit duke hyrë në ndërtesën e konsullatës saudite në Stamboll për të marrë dokumentet e dasmës, ndërsa hetuesit turq thanë se më pas ai ishte vrarë dhe copëtuar aty./arbresh.info/
Shkrumbohet një banesë në Lushnje
Agjenti konfirmon rikthimin e Mario Balotellit në Serie A
Britania dhe Kina japin shenja pajtimi gjatë vizitës së krye...
Femra vendosni: Këto janë karakteristikat kryesore të mashku...
Ushqimet për një fytyrë pa rrudha
Kurti në Paris, fton kompanitë franceze që të investojnë në ...