Google ADS

Maltë: Akuzohen dy persona në lidhje me vrasjen e një gazetareje

13:14 | 25 Shkurt 2021
Arbresh.info

Dy persona janë akuzuar për sigurimin dhe mbështetjen e vrasësve me bombën, me ç`rast gjeti vdekjen gazetarja Daphne Caruana Galizia, në Maltë, më 2017.

Këta janë dy burra 37-vjeçarë që janë të njohur për policinë vendore për lidhje me krimin e organizuar.

Daphne Caruana Galizia vdiq kur makina e saj u hodh në erë në 16 tetor 2017.

Në dhjetor të të njëjtit vit, tre të tjerë u akuzuan për vrasjen, njofton Hbl, transmeton RTKlive.

Gjatë intervistimit nga organet policore të martën në mëngjes, njëri prej tyre, Vincent Muscat, pranoi se ai kishte vrarë gazetaren dhe u dënua me 15 vjet burg.

Dy të tjerët mbeten në paraburgim. Vrasja e gazetares gërmuese ka shkaktuar valë protestash nëgjithë vendin.

Disa udhëheqës të lartë të biznesit dhe politikanë janë detyruar të japin dorëheqjen nga aktivitetet publike pas atentatit.

Nga këto protesta edhe kryeministri i atëhershëm Joseph Muscat (i cili nuk ka lidhje me të dënuarin) u detyrua të japë dorëheqjen.

Shpërndaje në rrjete sociale

Lajmet më të lexuara

Të ngjashme

Foto lajm