Coutinho mund ta humbas El Classicon

15:14 | 23 Shkurt 2021
Arbresh.info

Lajme të këqija për trajnerin Ronald Koeman e sidomos për mesfushorin ofensivë, Philippe Coutinho. Sipas Mundo Deportivo, braziliani nuk ka përmirësime që nga lëndimi në gju, andaj do mungojë më shumë se sa pritej.

Coutinho pësoi lëndim në muskuj në gjurin e majtë gjatë barazimit me Eibarin në dhjetor dhe pas operacionit pritej që të rikthehet pas tre muajve, pra të jetë gati për “El Clasico”, e paraparë të zhvillohet me 10 prill.

Mirëpo, kjo mesa duket nuk do të ndodh. Lajm i keq tjetër për Barcelonën është edhe që sulmuesi Ansu Fati gjithashtu është duke pasur probleme me shërimin. Fati pritet të rikthehet në muajin e ardhshëm, ndërsa rikthimi i Coutinhos ende nuk dihet, por duke u bazuar në raportimin e Mundo Deportivo do vazhdojë edhe për një kohë me të gjatë.

Nga te tre lojtarët që kanë pasur lëndime në gju, vetëm Gerard Pique ka arritur të rikthehet në kohë, por ky i fundit nuk u operua./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm