Google ADS

Lyon fiton dhe merr primatin në Francë

23:45 | 19 Shkurt 2021
A. B.

Skuadra e Brestit për pak sa nuk i prishi festën Lyonit në takimin e “Stade Francis-Le Blé”, që përfundoi me fitoren 2-3 të skuadrës së Rudi Garcias, që me këtë sukses merr kreun e Ligue 1 me 55 pikë, aq sa ka grumbulluar Lille.

Një sfidë me dy pamje për Lyonin, që gjatë pjesës së parë ishte dominues në çdo drejtim, çka reflektohet me golat e shënuar nga ish-futbollisti i Milanit, Paqueta, Aouar dhe Depay (goli i holandezit u realizua me penallti).

Lyoni ndoshta e konsideroi të mbyllur para kohe sfidën, dule u lëshuar terren vendësve dhe në fund për pak lanë dy pikë të çmuara.

Chardonnet realizoi golin e parë për Brestin në minutën e 53-të, ndërsa Cardona hapi ndeshjen me golin e 2-3 në të 74-tën.

Gjithsesi, Lyoni ia doli të mbrohej mirë në minutat e mbetura, për të marrë në fund një fitore të rëndësishme, që vlen shumë në garën treshe për titullin kampion me Lille dhe PSG.

Shpërndaje në rrjete sociale

Lajmet më të lexuara

Të ngjashme

Foto lajm