Legjenda braziliane e futbollit, Pele, ka shokuar në një dokumentar të transmetuar në Netflix, pasi ka deklaruar se ka pasur aq shumë lidhje me vajza të ndryshme, sa nuk e dinte numrin e fëmijëve të tij.

Tashmë në moshën 80-vjeçare, Pele ka qenë një nga sulmuesit më të famshëm në botë në kohën e tij dhe është martuar zyrtarisht tre herë, por ka pranuar se ka pasur shumë lidhje martesore, nga një pjesë e madhe e të cilave kanë ardhur në jetë edhe fëmijë.

“Të jem i ndershëm, kam pasur shumë lidhje jashtëmartesore, nga një pjesë e të cilave kemi sjellë në jetë edhe fëmijë. Megjithatë për ekzistencën e fëmijëve, jam vënë në dijeni shumë kohë më vonë”, tha Pele.

Një nga vajzat të cilës Pele nuk ia njohur kurrë këtë të drejtë, as pasi e fitoi me vendim gjykate në vitin 1996, ishte Sandra Machado, e ardhur në jetë pas një marrëdhënieje dashurie mes sulmuesit e kamerieres Anisia Machado. Sandra vdiq nga kanceri në vitin 2006.

Aktualisht Pele ka 5 fëmijë të ligjshëm nga dy martesat e para me Rosemeri dos Reis Cholbi dhe Assiria Lemos Seixas, si dhe Flavian, një vajzë të ardhur në jetë nga një marrëdhënie me gazetaren Lenita Kurtz.