Vaksinat kundër koronavirusit kanë zgjuar një debat të madh mes njerëzve në mbarë botën.

Teoritë e konspiracionit janë rritur ndjeshëm që pas shpërthimit të pandemisë, duke rritur kështu pasigurinë te shumë njerëz, transmeton portal arbresh.info

Ndër emrat më të komentuar që nga fillimi i pandemisë ka qenë emri i Bill Gates.

Jennifer Gates, vajza e themeluesit të Microsoft Bill Gates, ndërkaq ka bërë shaka me të teoritë e komplotit që po qarkullojnë në mediat sociale.

Jennifer, më e madhja midis dy vajzave dhe një djali i themeluesit të Microsoft, aktualisht po ndjek një shkollë mjekësore në Neë York.

“Për fat të keq, vaksina nuk bëri që truri gjenial i babait tim të hyjë në trurin tim”, shkroi ajo në një postim në Instagram, pasi u vaksinua.

Vërejtjet e saj me sa duket kanë për qëllim që të ngacmojnë teoritë e  pabazuara që qarkullojnë në momentin që Bill Gates po shfrytëzon pandeminë për të përhapur vaksina që përmbajnë një mikroçip që mund të kontrollojë dhe lokalizojë njerëzit dhe se ai po inkurajon vaksinimin që të mund të kontrollojë edhe kompanitë farmaceutike.

Jennifer Gates gjithashtu postoi një foto të saj duke mbajtur një ngjitëse “Kam marrë vaksinën time COVID-19” dhe një shiringë. “Jam mirënjohës që do të më japë mbrojtje dhe siguri për praktikën time të ardhshme. Sa më shumë njerëz që imunizohen, aq më të sigurta janë komunitetet tona për të gjithë, “shtoi ajo./arbresh.info/