Ofruesi i shërbimit të parkimit Parkopedia ka zgjeruar partneritetin global me BMW Group për të siguruar shërbime parkimi në gjithë Kinën.

Ofruesi i shërbimeve të parkimit Parkopedia të mërkurën shpalli se shërbimi i tyre i parkimit jashtë rruge tani është në dispozicion për të gjitha automjetet BMË në Kinë, shkruan Auto.com.

Ky bashkëpunim është një zgjerim i marrëdhënies ekzistuese të Parkopedia me BMW Group për shërbimet digjitale të parkimit.

Sipas një njoftimi të kompanisë, shërbimi i parkimit është në dispozicion si aplikacioni BMË ‘Smart Parking’, i cili është vendosur në sistemin e fundit operativ 7.0 në BMW.

Aplikacioni mund arrihet përmes përditësimit të sistemit over-the-air iDrive 7.0 infotainment të BMW Group për të lidhur shërbimet apo duke e instaluar në automjetet e prodhuara nga shtatori 2020 e tutje.

Parkopedia ofron informacione të detajuara të parkimit duke përfshirë çmimet, orët e hapjes, vendndodhjen e saktë dhe hapësirën e disponueshme në të gjitha qytetet kryesore në të gjithë Kinën. Kanë partneritet me OEM dhe ofruesit e hartave të navigimit me marrëdhënie ekzistuese me organizatat e hartave të Kinës duke përfshirë Autonavi, Navinfo dhe Tencent për të ofruar shërbime të përsosura, transmeton arbresh.info.

Kompania tha se përditësimi i tyre i fundit gjithashtu i mundëson automjetit që të dërgojë në mënyrë intuitive rekomandimet për disponueshmërinë e hapësirës së parkimit për shoferët ndërsa ata afrohen në destinacionin e tyre.

Për më tepër, vozitësit mund të përdorin shërbimet e integruara të transaksionit për të paguar për parkingun gjatë lëvizjes, përmes sistemit brenda automjetit apo telefonave të mençur.

Parkopedia gjithashtu është anëtar themelues i konsorciumit Autonomous Valet Parking, duke zhvilluar harta të detajuara parkimi dhe algoritme përkatëse për të ndihmuar automjetet që drejtojnë vetveten për të arritur një hapësirë parkimi të lirë dhe të parkojë në mënyrë autonome./arbresh.info/