Nivelet e ulëta të vitaminës D3 mund të çojnë në një rrezik më të lartë të infeksionit me koronavirus ose formave të tjera të sëmundjes.
Vitamina D3, përveç që ka një efekt të madh në imunitet, është gjithashtu e rëndësishme për ndërtimin e sistemit skeletor. Nivelet e ulëta të vitaminës D3 mund të kontribuojnë në dhimbje të eshtrave dhe nyjeve, si dhe dobësim të muskujve, sidomos tek njerëzit më të vjetër se 50 vjeç, transmeton portali arbresh.info
Ekspertët vlerësojnë se 30 deri 50 përqind e popullsisë ka një mungesë të vitaminës D në trup, e cila shpesh nuk njihet klinikisht, sipas një deklarate nga Shoqata për Zhvillimin e Edukimit Mjekësor.
Vitamina D3 së bashku me vitaminën K2 konsiderohet të jetë një nga lidhjet më të rëndësishme kur bëhet fjalë për osteoporozën tek gratë, veçanërisht gjatë menopauzës, kur niveli i estrogjenit, i cili mbron kockat, është dukshëm më i ulët.
Vitamina D njihet si parakusht për terapinë efektive të osteoporozës, por që vitet e fundit është hulumtuar rëndësia e vitaminës K2 dhe është provuar rëndësia e saj për shëndetin e kockave, si dhe një kontribut i madh në shëndetin kardiovaskular .
Në anën tjetër, vitamina K2 parandalon grumbullimin e kalciumit në arterie, nyje, organe të brendshme.
Kalciumi, i cili merret përmes dietës, i jep kockave forcë, por vetëm nëse ka mjaft vitaminë K2 dhe D3 në trup./arbresh.info/
Një mbretëri e fshehur virusesh jeton në zorrët tona
Kusari-Lila thotë se Qeveria Kurti ia çjerri maskën Vuçiqit ...
Sinani: Nga nesër nis grumbullimi i qenve endacak në Preshev...
Rama takim nesër me kryebashkiakët socialistë dhe drejtuesit...
Flick ka katër opsione për ta zëvendësuar Olmon e lënduar nd...
I dyshuari për atentat ndaj Trumpit akuzohet për dy vepra pe...