Kandidati për kryeministër nga LDK, Avdullah Hoti ka shpalosur programin e tij para kandidatëve të për deputet nga komuna e Prishtinës.
“Qytetarët e Prishtinës sot kanë shumë më shumë arsye të dalin masovisht në përkrahje të Lidhjes Demokratike”, ka thënë Hoti nder të tjera./arbresh.info/
Fjalimi i tij i plotë:
Të nderuar qytetarë të Prishtinës,
Sa më shumë që po i afrohemi ditës së dielë, 14 shkurtit, aq më shumë po bindem në fitoren e madhe që do të arrijmë në këto zgjedhje.
Ju keni arsye më shumë se kushdo tjetër ta mbështesni Lidhjen Demokratike të Kosovës më 14 shkurt.
Mos e falni besimin tuaj sikurse në vitin 2014 dhe 2017. Prej tetë vitesh, në vend të qeverisjes, juve qytetarë të nderuar të Prishtinës iu servua propaganda.
Qytetarët e Prishtinës sot kanë shumë më shumë arsye të dalin masovisht në përkrahje të Lidhjes Demokratike.
Në vizionin tonë dhe me projektet konkrete tashmë të siguruara, nga qeverisja e Lidhjes Demokratike të Kosovës, Prishtina do të shndërrohet, jo vetëm një kryeqytet modern, qendër administrative, e arsimit, e kulturës, e rinisë dhe sportit, por edhe një nyje rajonale të zhvillimit ekonomik e teknologjik.
Nëpër Prishtinë do të kalojnë të gjitha autostradat që lidhin Ballkanin. Prishtina do të jetë nyja lidhëse për hekurudhat moderne të rajonit dhe më gjerë.
LDK-ja nuk ka bashkëjetuar dhe nuk do të bashkëjetojë me krimin e korrupsionin.
Prandaj, rivalët tanë e kanë të vështirë të punojnë me ne. Sepse nuk mund ta durojnë vullnetin e LDK-së për të punuar drejt dhe për të qeverisur me duar të pastra.
Ne gjithmonë kemi mbrojtur shtetin dhe interesat e qytetarëve të Kosovës.
Prandaj, më 14 shkurt, siç thoshte Presidenti Rugova, vishuni bukur, merrni të afërmit dhe miqtë tuaj dhe shkoni e votoni për Lidhjen Demokratike të Kosovës, numrin 132.
Më 14 shkurt, ne ua hapim dyert të gjithë qytetarëve, I thërrasim të dalin në zgjedhje dhe të votojnë kandidatët tanë për deputetë në numrin 132.
Sepse kjo është adresa e zgjidhjes së shqetësimeve të tyre.
Dhe u themi se shqetësimi i tyre për gjeneratat e reja mund të zgjidhet vetëm duke votuar LDK-në në këto zgjedhje.
Osmani nderon Walkerin me Urdhrin e Lirisë & Pavarësisë
“Kurti u pajtua me skandalet dhe dështimet e ministrave të t...
Kthehen mbrapsht emigrantët, mbërrin në Shëngjin anija itali...
Kroos tregon tre lojtarët që e meritojnë ta fitojnë Topin e ...
Izraeli do ta ketë të pamundur ta eliminojë, kush mund të je...
Këta janë banorët që u bënë pjesë e Big Brother Vip Kosova 3