Ekipet e shpëtimit në indi filluan shpimin nga lart në tunelin e mbushur me mbeturina të enjten në një tentim të dëshpëruar për të arritur dhjetëra njerëz të cilët po mungojnë që nga një përmbytje e shkaktuar nga shkrirja e akullnajave katër ditë më parë, shkruan AFP.

Punëtorët janë munduar natë e ditë për të pastruar gurët dhe baltën nga tuneli në një fabrikë hidroelektrike të dëmtuar në Tapovan në Uttarkhand, India veriore që nga fatkeqësia të dielën.

Më shumë se 170 persona po mungojnë pas fatkeqësisë. Për shkak të mbeturinave, vetëm 34 trupa janë gjetur deri më tani.

Ndërsa shpresat zbehen për të zhdukurit, operacioni i tunelit ka bërë përparim të ngadaltë – qartë zhgënjyes për familjarët e dëshpëruar.

“I gjithë plani i shpëtimit është një shaka,” tha Sanjay Pant, vëllai 24-vjeçar, inxhinier elektrik i së cilës besohet të jetë në tunel.

“Ne nuk po jetojmë në shekullin e 18-të ku vetëm një buldozer mund të përdoret pastruar tonet e baltës,” tha ai për AFP.

“Ku është teknologjia jonë, ku janë makineritë tona?”

Të enjten ekipet e shpëtimit u kthyen kah një metodë e re, duke tentuar të shpojnë në një nga disa tunele anësore për të arritur njerëzit e zhdukur, thanë autoritetet.

“Kjo është e lidhur me tunelin kryesor në një pikë përtej mbeturinave,” tha Vivek Pandy, një shpëtimtar për Times of India daily.

“Ne shpresojmë që punëtorët e bllokuar janë në tunelet ndihmëse të cilët mund të arrihen.”

Nuk ka pasur asnjë shenjë jete nga njerëzit e zhdukur – që mendohet të jenë 25-35 – por ekipet e shpëtimit dhe familjarët shpresojnë që në një mënyrë ata kanë arritur të qëndronin të gjallë, transmeton arbresh.info.

Mund të duhen ditë që më shumë trupa të rikuperohen nën atë ton mbeturinash dhe baltë gri të trashë.

Trupi i një polici u gjet 110km poshtë rrjedhës – një terren buzë lumi – afër fshatit të tij stërgjyshor, raportoi Indian Express.

“Ky është vendi kur të gjithë paraardhësit tanë u dogjën,” tha vëllai i tij Anil Chaudhary për gazetën.

“Është një rastësi, por është vullneti i zotit që trupi i tij të gjente rrugën për në vendin e paraardhësve tanë.”

Manoj Chaudhary, 42, një polic, u dogj të martën me nderime të plota shtetërore./arbresh.info/