Google ADS

UEFA cakton vendet ku klubet angleze do të luajnë në 1/8 e finales së Championsit

19:18 | 10 Shkurt 2021
Arbresh.info

UEFA ka caktuar vendet se ku do të luajnë klubet angleze në ndeshjet e para të 1/8 së finales të Ligës së Kampionëve.

Për shkak të variantit britanik të koronavirusit, shumë vende në botë kanë ndaluar udhëtimet me Britaninë.

UEFA ka njoftuar se ndeshja e parë mes Atletico Madridit dhe Chelseat do të luhet në stadiumin “Arena Nationala” në Bukuresht. Data do të mbetet e pandryshuar, më 23 shkurt në ora 21:00.

Po ashtu ndeshja mes Borussia Moenchengladbachut dhe Manchester Cityt do të luhet në “Pushkash Arena” të Budapestit më 24 shkurt.

E ajo mes RB Leipzigut dhe Liverpoolit po ashtu do të luhet në “Pushkash Arena” më 16 shkurt.

Është dashur të zhvendosen ndeshjet edhe në Ligën e Evropës. Arsenali do ta luajë ndeshjen kundër Benficas, si vendas në Romë, e si mysafir në Athinë.

E Manchester Unitedi ndaj Real Sociedadit do të luajë në Torino.

Shpërndaje në rrjete sociale

Lajmet më të lexuara

Të ngjashme

Foto lajm