Akullnaja e Himalajes në Indi ‘shkëputet’ dhe përplaset në një digë, 150 persona besohet të kenë vdekur nga vërshimet

14:32 | 7 Shkurt 2021
A Z

Rreth 150 njerëz besohet se kanë vdekur në Indinë veriore pasi një akullnajë Himalaje u thye dhe u përplas në një digë të dielën, derisa përmbytjet detyruan evakuimin e fshatrave në rrjedhën e poshtme.

“Numri aktual nuk është konfirmuar ende, por 100 deri në 150 njerëz vlerësohen të vdekur”, tha për Reuters, Om Prakash sekretari kryesor i shtetit Uttarakhand, ku edhe ndodhi incidenti.

Një dëshmitar raportoi për një mur pluhuri, shkëmbi dhe uji, derisa orteku zhurmonte në luginën e lumit, transmeton Telegrafi.

“Erdhi shumë shpejt, nuk kishte kohë për të lajmëruar askënd”, tha Sanjay Singh Rana, i cili jeton në rrjedhën e sipërme të fshatit Raini.

“Unë ndjeva se edhe ne do të ‘rrëmbeheshim’”, potencoi ai.

 

 

Shpërndaje në rrjete sociale

Lajmet më të lexuara

Të ngjashme

Foto lajm