Real Madridi i ka dërguar një mesazh urimi ish-numrit 7, Cristiano Ronaldo, i cili është bërë golashënuesi më i mirë në histori të futbollit.
Superylli i Juventusit i shënoi edhe dy gola të tjerë në ndeshjen e parë gjysmëfinale të Kupës së Italisë kundër Interit, duke iu hakmarrë kështu Nerazzurrëve për humbjen në Serie A.
Në këtë mënyrë, ai e ka ngritur në 763 numrin e golave në karrierë dhe Marca ka raportuar se ish-sulmuesi i Los Blancos ka shënuar më shumë gola se çdo futbollist tjetër, transmeton Telegrafi.
Dhe për këtë arritje ka reaguar Reali përmes një postimi duke e uruar Ronaldon: “Golashënuesi më i mirë në histori të klubit tonë dhe tash në botën e futbollit. Urime, Cristiano”.
Megjithatë, diskutimi është duke vazhduar prej se Ronaldo i theu të gjitha rekordet gjatë muajit janar.
Derisa shifrat zyrtare janë ndryshe dhe sipas tyre, Josef Bican ka shënuar vetëm 759 gola, Federata Çeke e Futbollit ka reaguar duke thënë se ai ka shënuar 851 gola. Në anën tjetër, Pele disa javë më parë kishte përditësuar të dhënat e tij duke deklaruar se ka shënuar 1.283 gola gjatë karrierës si futbollist.
Pozicioni që ju ndihmon të flini më mirë gjatë natës
BE do të vendosë sanksione të reja ndaj Iranit
KEDS tregon se ku do të ketë ndërprerje të rrymës të shtunën...
Media spanjolle: Bumi i turizmit katapulton ekonominë e Shqi...
Vizita e Erdogan në Serbi, Turqia do zhvillojë industrinë e ...
Kosova U21 pëson humbje të thellë nga Polonia U21 në kualifi...