Mustafa reagon pas vizitës së Kurtit në Skenderaj: Nuk na ka hije të mbajmë zgjedhje me njësi speciale

10:21 | 2 Shkurt 2021
M. A.

Kreu i LDK-së, Isa Mustafa përmes një postimi në facebook ka reaguar pas vizitës së djeshme të Albin Kurtit në Skenderaj. Mustafa ka thënë se zgjedhjet janë shprehje e lirë e qytetarëve për parlamentin e tyre.

“Nuk na ka hije të mbajmë zgjedhje të rrethuar me polici, me njësi speciale… zgjedhe nën tytat e armëve, njëzatenjëvjet pas çlirimit!? Zgjedhjet me dhunë nuk janë zgjidhje. Askush s’është i pari nëse duhet të barikadohet për t’u takuar me qytetarët dhe askush nuk e meriton të dal i pari, në qoftë se mendon se një komune apo një territor është pashallëk i tyre.”, ka thënë ai.

“Dhuna prodhon dhunë. Më së paku demokraci. Me protagonistët e dhunës dhe kërcënimeve, në hygjymin e tyre për pushtet, po rrëshqasim keq në hasmëritë e kohës së viteve të pasluftës. Kjo nuk na nevojitet. Çdo fitore e tillë eventuale, e kujdo qoftë, është humbje. Kosovës i nevojiten zgjedhje demokratike, jo popullizëm i shfrenuar”, tha Mustafa./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm