Personelit shëndetësorë që kanë vdekur gjatë pandemisë, i dedikohet pullë postare

11:39 | 28 Janar 2021
M. A.

Mbi 30 punëtorë shëndetësorë në Kosovë kanë vdekur në krye të detyrës gjatë pandemisë COVID-19.

Në nderim të tyre, është bërë prezantimi i pullës postare.

Ministri në detyrë i Shëndetësisë̈, Armend Zemaj, ka marrë pjesë në prezantimin e pullës postare, dedikuar personelit shëndetësor që kanë humbur jetën gjatë ballafaqimit me Covid-19.

Me këtë rast, Armend Zemaj tha se, kjo pullë postare do të tregoj mundin dhe përkushtimin e mantel bardhëve.

“Vlerat tona të përbashkëta duhet t’i promovojmë. Ne kemi marr iniciativë me institucionet tona dhe me kërkesë drejtuar postës së Kosovës për pullën postare që i dedikohet të rënëve mantill bardhë. Kjo ecje e pullës postare do të tregoj mundin dhe përkushtimin e mantill bardhëve.

Sot këta infermier janë përzgjedh në emër të të gjithë profesionistëve shëndetësorë, te cilët vazhdojnë të jenë përball pandemisë”, tha Zemaj.

Gjithashtu mirënjohje u janë ndarë mjekëve dhe infermierëve që ishin prezentë./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm