Google ADS

Nga ora 14:00 mbahet mbledhja e KQZ-së, vendoset për kandidatët me vepra penale

12:52 | 22 Janar 2021
Arbresh.info

Zëdhënësi i Komisionit Zgjedhor të zgjedhjeve, Valmir Elezi ka konfirumar se sot në orën 14:00 do të mbahet mbledhja e radhës.

Elezi për Arbresh.info, ka thënë se temë e rendit të ditës do të jetë edhe shqyrtimi dhe miratimi i rekomandimit të Zyrës për certifikim të subjekteve politike dhe kandidatëve të tyre.

“Po, sot në orën 14:00 do të mbahet mbledhja e KQZ-së. Në rend të ditës është edhe shqyrtimi dhe miratimi i rekomandimit të Zyrës për certifikim të subjekteve politike dhe kandidatëve të tyre.”, tha ai.

Kujtojmë se Komisioni Qendror i Zgjedhjeve (KQZ), ka konfirmuar se 47 kandidatë për deputetë janë shpallur fajtor për një vepër penale gjatë 3 viteve të fundit, që nënkupton se nuk mund të çertifikohen.

Zëdhënësi i KQZ-së, Valmir Elezi përmes një konference për media, ka thënë se 15 nga 25 subjektet që kanë aplikuar për certifikim, kanë kandidatë me vepra penale./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm