KB Trepça ka bërë befasinë e javës, duke e mposhtur KB Bashkimin në Prizren.

Trepça ka shënuar fitore shumë të rëndësishme, duke mundur Bashkimin në Prizren me rezultat 91:97 (19:22, 19:24, 20:26, 33:25).

Mitrovicasit e nisën ndeshjen më mirë, duke fituar çerekun e parë 19:22, derisa vazhduan me lojë të mirë edhe në periudhën e dytë, që e fituan 19:24, kurse në pjesën e parë kishin epërsi deri në 17 pikë, 27:44, ndërsa pjesa e parë përfundoi 38:48.

Bashkimi u mundua të rikthehet në lojë dhe pas disa minutave të barabartë, Trepça ishte sërish më e mirë në periodën e tretë, duke fituar këtë pjesë 20:26, kurse rezultati në semafor pas 30 minutash ishte 58:74. Prizrenasit dhanë maksimumin në 10 minutat, duke tentuar përmbysjen e madhe, por nuk arritën më shumë se të afrojnë shifrat në 89:93, kurse Trepça triumfoi në fund 91:96.

Te Bashkimi u dalluan Endrit Hysenagolli me 22 pikë e 17 kërcime, kurse nga 18 pikë shtuan Sean Hoehn dhe Musab Mala, derisa te Trepça, më i miri ishte Drilon Hajrizi me 25 pikë, 14 kërcime e pesë asistime, i ndihmuar nga Dillon Smith me 25 pikë e tetë asistime dhe Besnik Azemi me 19 pikë.

Bashkimi ka tetë fitore dhe shtatë humbje, kurse Trepça tri fitore dhe 12 humbje.