Videoja që tregon se Eden Hazard mund të rikthehet te Chelsea qysh në verë

11:56 | 16 Janar 2021
Arbresh.info

Tifozët e Chelseat janë duke e ëndërruar një rikthim të Eden Hazardit në Stamford Bridge.

Ylli belg u largua para gati tri vitesh nga The Blues për në drejtim te Real Madridi, aty ku po kalon nëpër një kohë të tmerrshme.

Hazard nuk po arrin që të rikthehet në formën e tij të lartë, pasi lëndimet e njëpasnjëshme po i pamundësojnë një gjë të tillë.

Sipas asaj që raporton The Mirror, presidenti Florentino Perez është i gatshëm që të shesë atë dhe Chelsea është në pozitë ideale për transferimin e tij.

Madje, një video e publikuar në rrjetin social Twitter, shihet Hazard duke folur për mundësinë e rikthimit te skuadra londineze.

Belgu pyetet se kur do të rikthehet te Chelsea: “Pasi të kem përfunduar punë këtu, do të kthehem atje”.

 

Shpërndaje në rrjete sociale

Lajmet më të lexuara

Të ngjashme

Foto lajm