Paraqitje e shkëlqyer e Etrit Berishës në Kupë, ja si vlerësohet nga mediat italiane

14:04 | 15 Janar 2021
Arbresh.info

Etrit Berisha u rikthye titullar me SPAL-in, pas mungesës së gjatë prej 11 ndeshjesh për shkak të problemeve me COVID-19.

Gardiani shqiptar ishte më i uritur se kurrë, teksa këtë gjë e vërtetoi në fushën e blertë, duke bërë një paraqitje fantastike, teksa i vendosi “kyçin” portës, në triumfin 0-2 të SPAL-it në Kupën e Italisë ndaj Sasuolos, duke vijuar në fazën çerekfinale, ku do të përballen me Juventusin e Andrea Pirlos.

Berisha ishte një nga lojtarët më të mirë në fushë në ndeshjen e sotme, duke bërë disa ndërhyrje vendimtare. Portieri i Kombëtares është vlerësuar me notën 6.5 për ndeshjen e sotme nga “Tuttomercatoweb”, tekka për të thuhet: “Bën një pritje të shkëlqyer në pjesën e parë, duke i mohuar golin Raspadorit.

Paraqitje e shkëlqyer edhe në pjesën e dytë, ku me pritjet e tij, bën që SPAL-i të largohet nga ‘Mapei’ me portën e paprekur”./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm