Turko-amerikanja me përvojë të gjerë në politikën e financave, Didem Nisanci është propozuar si Shefe e Stafit të Departamentit të Thesarit nën presidentin e ardhshëm Joe Biden, njoftoi “Bloomberg News”, transmeton Anadolu Agency (AA).
Didem Nisanci, aktualisht shefe globale e politikës publike për Bloomberg LP, do të jetë Shefe e Stafit e sekretares së ardhshme të Thesarit Janet Yellen, një pozicion shumë i rëndësishëm, sipas Bloomberg.
Duke cituar njerëz të njohur me këtë çështje, Bloomberg njoftoi se 47-vjeçarjes Nisanci i është ofruar pozicioni, të cilin e ka pranuar.
Nëse konfirmohet nga Senati, Yellen do të jete gruaja e parë që drejton Departamentin e Thesarit në historinë e tij 231-vjeçare dhe do të sjellë Nisancin, posti i së cilës nuk kërkon konfirmimin e Senatit.
Nisanci punoi për katër vjet si Shefe e Stafit në Komisionin e Letrave me Vlerë të SHBA-së në administratën e Obamës, ku ndër detyrat e tjera ajo shërbeu si shefe ndërlidhëse e Shtëpisë së Bardhë.
Ajo shërbeu gjithashtu si drejtore e stafit të Komitetit të Senatit për Bankat, Strehimin dhe Nënkomitetin e Çështjeve Urbane të Letrave me Vlerë, Sigurimeve dhe Investimeve, duke përfshirë pas krizës financiare globale 2007-2009.
Nga viti 1998 deri në vitin 2001, ajo ka punuar si zëvendëse e ndihmëssekretarit të Thesarit.
Asnjë deklaratë zyrtare nuk është bërë ende lidhur me këtë çështje.
Shpërthen një bombë e Luftës së Dytë Botërore në aeroportin ...
Nagavci: Synim, përshtatja e arsimit të lartë me tregun e pu...
Zvicra publikon listën ndaj Serbisë, dy shqiptarë të ftuar
Digjet një fermë dhe disa kafshë shtëpiake në Leposaviq
Ambasadori britanik viziton Gjykatën Supreme – vlerëson lart...
Zhegrova: Mendoj se shpirti i ekipit tonë e bëri diferencën